Stjórnvöld í Norður-Kóreu hafa fordæmt Bandaríkjaforseta, Barack Obama, vegna dreifingar á kvikmyndinni The Interview en myndin, sem er gamanmynd fjallar um morð á Kim Jong-un.

Varnarmálaráð N-Kóreu sakar bandarísk yfirvöld um að bera ábyrgð á því að slökkt var á netinu í N-Kóreu. Samkvæmt BBC voru ekki fagrar lýsingar á Obama og gjörðum hans í yfirlýsingu ráðsins og brá þar jafnvel fyrir kynþáttaníði.

Framleiðslufyrirtækið Sony Pictures Entertainment tilkynnti nýverið að myndin yrði ekki gefin út sökum hótana um hryðjuverk frá tölvuþrjótum sem brutust inn í tölvukerfi fyrirtækisins. Myndinni var hins vegar dreift um jólin og er hægt að nálgast hana á netinu.

Þegar hætt var við að dreifa myndinni fyrr í mánuðinum vakti það hörð viðbrögð og þótti merki um að tjáningarfrelsið væri í hættu.

Í tilkynningunni er Obama líkt við apa og sakar ráðið Obama um að hafa valdið því að myndin var tekin til sýningar þrátt fyrir mótmæli stjórnvalda í N-Kóreu 

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt