Raunveruleikastjarnan Kim Kardashian leyfði aðdáendum sínum á Instagram að njóta þess að sjá dóttur hennar og Kanye West, North West, þegar barnið hitti jólasveininn á jólunum. Það versta er að North litla, sem er átján mánaða gömul, virðist ekki vera neitt sérstaklega spennt fyrir jólasveininum og horfir á hann með skelfingarsvip.
Svo virðist sem þetta sé sami jólasveinninn og gladdi móður North í mörg ár en hann hefur heimsótt Kardashian fjölskylduna áratugum saman á jóladag.