Tók sénsinn á að blindast

Justin Jedilica, sem gjarnan er kallaður „mennska Ken-dúkkan“, hefur gengist undir um 190 fegrunaraðgerðir í von um að verða „100% úr plasti“. Jedilica er tilbúinn að fórna miklu fyrir útlitið, meira að segja sjóninni.

Nýverið tók Jedilica mikla áhættu þegar hann lét fjarlægja æðar úr enninu á sér en læknar tilkynntu honum að hann ætti á hættu að missa sjón við aðgerðina.

„Þetta var hættuleg aðgerð vegna þess að ég hefði getað blindast þar sem það þurfti að fara undir augnlokið og brenna æðina í burtu,“ sagði Jedilica í viðtali við Daily Mail.

Jedilica viðurkennir að hafa eytt um 29 milljónum króna í aðgerðir en hann er hvergi nærri hættur og segir þetta vera listform. „Fyrir mér eru fegrunaraðgerðir framlenging af sköpunargáfu minni. Ég á enn langt í langt þangað til ég verð 100% úr plasti.“

• Blogga um frétt