Bandarískur maður sem keypti tvo skafmiða í matvörubúð í Boston til að skipta hundrað dala seðli til að geta keypt hádegismat endaði á að vinna tíu milljónir dala (1,3 milljarða króna).
Í tilkynningu frá fyrirtækinu sem gefur út skafmiðann segir að Richard Noll og kona hans hafi vitjað vinningsins í höfuðstöðvum fyrirtækisins í Braintree í síðustu viku. Þau kusu eingreiðslu upp á 6,5 milljónir dala eftir skatta. NBC greinir frá þessu á síðu sinni.
Noll segir að hann hafi þurft að skipta 100 dala seðli til að geta keypt sér hádegismat á samlokustað og keypti tvo 20 dala „Platinum Millions“ skafmiða í Lanzili Groceria í austurhluta Boston. Búðin fær 50 þúsund dali í sinn hlut fyrir að hafa selt vinningsmiðann.
Noll segir að hann ætli að kaupa sér hús, fjárfesta eitthvað og fara með barnabarn hans í Disney-garðinn.
Hann er þriðji einstaklingurinn til þess að vinna 10 milljónir dala í „Platinum Millions“