Gríski söngvarinn Demis Roussos er látinn, 68 ára að aldri. Hann seldi yfir sextíu milljónir platna um allan heim á ferli sínum. Roussos lést á sjúkrahúsi í Aþenu.
Þekktastur var hann fyrir lög sem hann gaf út á áttunda og níunda áratugnum, m.a. Forever and Ever, Goodbye og Quand je t'aime. Þá var hann einnig meðlimur rokkhljómsveitarinnar Aphrodite's Child.
Í frétt BBC segir að Roussos hafi legið á einkasjúkrahúsi um tíma en ekki sé búið að gefa upp hvert banamein hans var.