„Ég er samkynhneigður,“ sagði bandaríski skemmtikrafturinn Joel Grey sem er hvað þekktastur fyrir hlutverk sitt í söngleiknum Kabarett sem sýndur var á hvíta tjaldinu árið 1973. Grey er 82 ára og á tvö börn með fyrrverandi eiginkonu sinni.
Grey opinberaði kynhneigð sína í viðtali við bandaríska tímaritið People en einnig að að fjölskylda hans hefði vitað af þessu í áraraðir. Hjónabandi Grey og Jo Wilder lauk árið 1982 en þá höfðu þau verið gift í 24 ár.
Í viðtalinu sagði Grey einnig að þegar hann hóf störf í skemmtanabransanum hafi verið ómögulegt að koma út úr skápnum. „Ég hefði ekki átt neitt líf, eða feril, það var of hættulegt þá.“