Fékk fyrrverandi til að dæma sig

Jake Chapman hefur vakið nokkra athygli fyrir frumlegan prófíl á stefnumóta-appinu Tinder en hann inniheldur stjörnugjöf og dóma frá fyrrverandi kærustum hans.

„Ég var að hugsa með sjálfum sér, í því sem ég var að sofna, að ég hefði verið að taka stefnumótum full alvarlega undanfarið eftir nýleg sambandsslit í maí. Ég vildi setja fram heiðarlega sýn á það sem mínar fyrrverandi hugsuðu um mig með smá oflátungshætti af því að, nú...þetta er Tindet,“ skrifaði Chapman í svari til Buzzfeed.

Jake fékk misjöfn viðbrögð hjá stúlkunum sem hann hafði samband við en sé mark takandi á Tinder prófílnum gefa þær honum fjórar stjörnur. Ein segir að hann sé frábær en að hann væri betri með áströlskum hreim. Önnur segir „Ég er gift, láttu mig í friði“. Hinar umsagnirnar má sjá á myndinni hér fyrir neðan.

Uppátækið hefur þegar skilað árangri því fyrrverandi kærasta Chapman hafði samband við hann af því að hún var móðguð yfir því að fá ekki að skila inn sínum dómi. Í kjölfarið ákvað stúlkan að hætta með kærastanum sínum og fljúga frá Kaliforníu til Seattle að hitta þennan draumadreng og tendra ástarbálið á ný.

• Blogga um frétt