Það var þétt setið á fyrri tónleikum þungarokkssveitarinnar Skálmaldar í Hofi á Akureyri í kvöld og sú verður víst einnig raunin á seinni tónleikum sveitarinnar sem hefjast klukkan 23.
Það seldist upp með öllu á báða tónleika sveitarinnar sem eiga greinilega mikils fylgis að fagna á Norðurlandi sem er eflaust ekki að undra enda mun sveitin ættuð frá Húsavík.
Samkvæmt fréttaritara mbl.is var gríðarlega góð stemmning þegar hann smellti af myndum af rokkhetjunum á sviði og var greinilegt að ekki hefði þurft mikið til að þakið myndi hreinlega lyftast af húsinu.