Leikarinn Val Kilmer var lagður inn á spítala fyrr í vikunni eftir að blæða tók úr kverkum hans að sögn TMZ.
Heimildamenn vefsíðunnar segja að hinn 55 ára leikari hafi verið færður í flýti frá heimili sínu í Malibu á gjörgæslu eftir að hringt var eftir neyðaraðstoð.
Leikarinn er sagður hafa gengist undir aðgerð á UCLA-sjúkrahúsinu í Santa Monica en talið er að hann sé eða hafi verið með krabbameinsæxli í hálsi. Að sögn heimildamanna TMZ er líðan hans nú stöðug. Kilmer hefur ekki tjáð sig opinberlega um veikindi sín en á nýlegum ljósmyndum af honum er hann alltaf með trefil.