Bandaríski leikarinn Leonard Nimoy er látinn, 83 ára að aldri. Nimoy sem er best þekktur fyrir hlutverk sitt sem Mr. Spock í Star Trek hafði um árabil glímt við lungnaþembu sem að lokum lagði hann. Nimoy var í byrjun vikunnar fluttur á sjúkrahús eftir að hann kvartaði yfir miklum verkjum.
Eiginkona Nimoy staðfesti lát hans við fjölmiðla í dag og sagði hann hafa látist á heimili sínu í Bel Air í morgun.
Nimoy greindi frá sjúkdómi sínum í fyrra og sagði hann tilkominn vegna reykinga.