Kvikmyndin Focus var vinsælasta kvikmyndin í bíóhúsum vestanhafs um helgina. Myndin skartar þeim Will Smith og Margot Robbie í aðalhlutverki og kostaði hún 50,1 milljónir dollara í framleiðslu.
Alls græddu framleiðendurnir 19,1 milljón á frumsýningarhelginni, sem er örlítið minna en búist var við. Var þetta lélegasta frumsýningarhelgi kvikmyndar sem skartar Will Smith í tíu ár, ef frá er talin myndin Seven pounds.
Kvikmyndin fjallar um svikarann Nicky sem kemst í kynni við hina dularfullu Jess.
Í öðru sæti yfir vinsælustu myndirnar í síðustu viku var myndin Kingsman: The Secret Service. Sú mynd skaust upp fyrir hina geysivinsælu 50 Shades Of Grey sem trónaði á toppnum í síðustu viku.