Seðlabanki Kanada segir að sú vinsæla iðja íbúa þar í landi að breyta ásýnd fyrrverandi forsætisráðherra landsins sem prýðir 5 dollara seðla þannig að hann líkist Star Trek-persónunni Spock sé ekki ólögleg. Sú iðja hefur færst í aukana eftir andlát leikarans Leonard Nimoy í síðustu viku.
Það listform að breyta Wilfrid Laurier, sjöunda forsætisráðherra Kanada, í Spock úr Star Trek þáttunum hefur verið þekkt sem „spocking“ í landinu. Seðlabanki landsins gaf frá sér tilkynningu í gær í kjölfar þess að mikill uppgangur hefur orðið í þessari listsköpun frá því að Nimoy, sem lék Spock í þáttum og kvikmyndum, lést.
Bankinn segist ekki geta stutt þessa iðju fólks en hins vegar sé ekkert beinlínis ólöglegt við hana. Hætta væri þó á því að verslunareigendur neituðu að taka við slíkum seðlum, að því er segir í frétt Washington Post.
#spockyourfives #rip pic.twitter.com/ILUfE0gkXE
— Schoolboy DQ (@keelyscottt) March 2, 2015