Var „brjálæðislega svangur“ og tuggði tyggjó

Leikarinn Jake Gyllenhaal var „brjálæðislega svangur“ þegar tökur á kvikmyndinni Nightcrawler stóðu yfir. Gyllenhaal þurfti að grennast um 13 kíló fyrir hlutverkið í myndinni og var alltaf svo svangur að mótleikari hans, Riz Ahmed, óttaðist að leikarinn myndi borða hann á tökustað.

„Hann grenntist mikið fyrir hlutverkið. Hann tuggði nánast bara tyggjó,“ sagði Ahmed. „Hann horfði á mig eins og hann vildi borða mig,“ sagði Ahmed í gríni. Þetta kemur fram á Contactmusic.com.

Gyllenhaal tuggði ekki bara tyggigúmmí á þessum tíma heldur borðaði hann einnig grænkál. Þá hljóp hann um 24 kílómetra á dag og átti ekki mikið félagslíf að eigin sögn. 

Jake Gyllenhaal var afar grannur í kvikmyndnni. Nightcrawler.

• Blogga um frétt