Guy Sebastian tekur þátt fyrir Ástralíu
Setja bókamerki
Það vakti heimsathygli fyrir nokkrum vikum þegar tilkynnt var um þátttöku Ástralíu í Eurovision. Nú hafa Ástralar tilkynnt hver mun taka þátt í keppninni fyrir hönd þjóðarinnar og er það söngvarinn Guy Sebastian. Er hann enginn byrjandi í tónlistarbransanum en hann er margverðlaunaður í heimalandinu og einn af söluhæstu söngvurum Ástralíu.
Samkvæmt vefsíðu Eurovision, eru nokkrar ástæður fyrir því að Ástralíu var gefið leyfi til þess að taka þátt í keppninni. Er það m.a. gert til þess að stækka afmælishátíð Eurovision, en keppnin fagnar sextíu ára afmæli sínu í ár. Með þátttöku Ástralíu verða löndin sem taka þátt í ár fjörutíu talsins. Er þetta í fyrsta og síðasta skipti sem Ástralía tekur þátt.
„Þetta er djörf, en á sama tíma ótrúlega spennandi ákvörðun. Þetta er okkar leið til þess að segja; fögnum þessu saman!“ sagði Jon Ola Sand, framkvæmdastjóri Eurovision, á vefsíðu keppninnar.
Eurovision hefur verið sýnd í Ástralíu síðustu þrjátíu árin og er keppnin mjög vinsæl meðal ástralskra áhorfenda. Á vefsíðu keppninnar kemur fram að meira en þrjár milljónir Ástrala horfðu á Eurovision á síðasta ári.
„Það er ótrúlega spennandi að fá tækifæri til þess að taka þátt í Eurovision. Þetta er stærsti tónlistarviðburður veraldar sem á sér frábæra sögu og hefð. Það er mikill heiður að vera boðið að taka þátt fyrir Ástralíu í fyrsta skipti sem landið tekur þátt,“ er haft eftir Sebastian á vefsíðu Eurovision.
Von er á frekari upplýsingum um atriði Ástralíu og lagið sjálft á næstu vikum.
Guy Sebasatian varð fyrst þekktur í Ástralíu er hann sigraði áströlsku Idol keppnina árið 2003. Síðan þá hefur hann gefið út átta breiðskífur og selt 4,5 milljón plötur.
Er hann einn af farsælustu karlsöngvurum Ástralíu. Árið 2013 náði lag hans Battle Scars platínum sölu í Bandaríkjunum. Varð Sebastian þá einn af fáu Áströlskum tónlistarmönnum til að ná þeim árangri.
Hér fyrir neðan má sjá myndbandið við lagið Battle Scars.
Myndskeið: „Fólk var komið ískyggilega nálægt“
Mest spennandi kosningar í áratugi
Katrín: Jóhönnustjórnin talaði máli Íslands
Myndir: Reynir við heimsmet í Hlíðarfjalli í dag
Baldur: „Ég ætla að svara þessu kalli“
Íslendingar ein mest einmana þjóð heims
„Þetta er pínu óvanaleg staða“
Áverkar bentu til manndráps