Ljósmynd af fyrirsætunni Elle Macpherson hefur vakið mikla athygli síðan myndin var birt á Twitter núna rétt fyrir 51 árs afmælið hennar. Macpherson lítur ekki út fyrir að vera deginum eldri en þrítug.
Ljósmyndin sýnir Macpherson njóta lífsins á ströndinni en hún var stödd á Bahamaeyjum þegar myndin var tekin.
Macpherson, sem verður 51 árs hinn 29. mars, fór til Bahamaeyja ásamt teymi ástralska tímaritsins Harper's Bazaar en hún verður í aðalhlutverki í nýjum myndaþætti sem birtist í næsta tölublaði.