Raunveruleikastjarnan Kim Kardashian hefur skartað skjannahvítum lokkum á undanförnum vikum en núna er hún komin með dökkt hár á nýjan leik. Í gær birtust myndir af Kim sem teknar voru af henni í Beverly Hills en þá kom í ljós að hún hafði látið lita hár sitt fyrr um daginn.
Hár Kim vex greinilega hratt því hún hafði vart undan að láta lita rótina ljósa. Þess vegna er henni örugglega létt núna, að vera komin með sinn náttúrulega hárlit til baka.
Kim lét lita hár sitt ljós hinn 5. mars þannig að hún entist ekki í heilan mánuð sem ljóska.