Við setningu Blúshátíðar í Reykjavík í dag var Sigurður Sigurðsson, munnhörpuleikari og söngvari, útnefndur heiðursfélagi Blúsfélags Reykjavíkur.
Sigurður hefur verið áberandi í íslenskri blústónlist áratugum saman, að því er segir í fréttatilkynningu. Hann söng og blés í munnhörpu með hljómsveitinni Kentár sem stofnuð var árið 1982 og þá er hann meðlimur í Tregasveitinni þeirri goðsagnakenndu blúshljómsveit, einn af stofnendum Blues Akademíunar og hefur spilað með fjöldi hljómsveita og tónlistarmanna, bæði á tónleikum og plötum.
Sigurður kemur fram með Blúshljómsveit Björgvins Gíslasonar á fyrstu stórtónleikum Blúshátíðar í Reykjavík, næstkomandi þriðjudagskvöld. Alls verða þrennir stórtónleikar Blúshátíðar á Hilton Reykjavík Nordica í dymbilvikunni, á þriðjudags-, miðvikudags- og fimmtudagskvöld (skírdagskvöld).
Blúshátíðin í ár er tileinkuð Muddy Waters og Willie Dixon, en í ár eru liðin 100 ár frá fæðingu þeirra.
Aðalgestir hátíðarinnar eru:
Bob Margolin, blúsgítarleikari ársins 2005 og 2008.
Debbie Davis, blúsgítarleikari ársins 1997 og 2010.
Bob Stroger, bassaleikari ársins 2011 og 2013.
KK band, Björgvin Gíslason og Vintage Caravan.