Leikkonan Rebel Wilson er ekki með neitt tískuvit að eigin sögn en henni líður samt eins og hún sé tískufyrirmynd að einhverju leiti.
Wilson segist vita til þess að konur í yfirþyngd líti upp til hennar þegar kemur að tísku. „Ég er þessi stelpa sem er ekki með neitt tískuvit, en ég er að komast inn í þetta núna. Þetta er að verða mér mikilvægt. Ég veit að konur eru farnar að taka eftir því hvernig ég klæði mig,“ sagði leikkonan í viðtali við ELLE.
Wilson kvaðst þá vera í ákveðinni ábyrgðarstöðu vegna þess að það eru fáar konur í Hollywood með sama vaxtarlag og hún.
Wilson er í yfirþyngd en hún kveðst lifa heilsusamlegum lífstíl. „Maður þarf að búa yfir líkamlegum styrk þegar maður er í þessum bransa. Það þarf gott úthald til að vinna í 16 klukkustundir á dag. Ég borða kannski mikið en ég er heilbrigð.“