Myndband sem kvikmyndagerðarmaðurinn Óskar Arnarson bjó til fyrir helgi og setti á vefinn YouTube hefur heldur betur vakið athygli en það hefur nú verið skoðað yfir sex milljón sinnum. Í myndbandinu er blandað saman nýjustu Star Wars-stiklunni og atriði úr kvikmyndinni Interstellar með Matthew McConaughey í aðalhlutverki.
Mbl.is ræddi við Óskar á föstudaginn þegar myndbandið hafði verið skoðað 800 þúsund sinnum. Vinsældir þess komu honum algerlega í opna skjöldu. „Þegar ég vaknaði í morgun og leit á símann hélt ég að heimurinn væri að farast,“ segir Óskar en skilaboðum á Twitter og Facebook hafði þá rignt yfir hann allan daginn.
Aðspurður sagði hann hugmyndina að myndbandinu hafa fæðst í sturtunni eins og flestar góðar hugmyndir sem hann fengi. Eftir að úr henni var komið hafi hann sest niður og sett myndbandiðð saman á skömmum tíma.
Frétt mbl.is: Eitt vinsælasta myndbandið á YouTube