Beckham-hjónin David og Victoria eru sögð vera á höttunum eftir nýju heimili. Það hús sem kemur helst til greina er gamla heimilið hennar Madonnu í Los Angeles.
Samkvæmt heimildum The Sun skoðuðu David og Victoria húsið ásamt börnum sínum. Húsið hefur að geyma 15 baðherbergi, bíósal, gestahús og tveggja hæða borðstofu svo eitthvað sé nefnt.
Madonna keypti húsið árið 2003 á 1,7 milljarða króna. Madonna bjó í húsinu í tíu ár áður en hún seldi það á 2,8 milljarða.
Heimildamaður The Sun segir fjölskylduna vera afar hrifna af eigninni. „Þetta er eitt af nokkrum húsum sem þau hafa skoðað en þetta er í uppáhaldi.“
Ásett verð er sagt vera í kringum 3,9 milljarða króna.