Joelison Fernandes da Silva, stærsti maður Brasilíu, hefur alla tíð verið efins um að hann myndi einhvern tímann finna ástina. Silva, sem er 2,3 metrar á hæð, kveðst alltaf hafa verið með lítið sjálfstraust sökum stærðar sinnar en í dag líður honum vel í eigin skinni enda er hann ástfanginn.
Silva er 28 ára gamall. Hann hætti ungur í skóla vegna þess að hann þoldi ekki alla athyglina sem hann fékk. „Mér fannst ég vera óeðlilegur,“ sagði Silva í viðtali við Barcroft TV. En í dag er Silva allt annar maður. Silva er kominn með konu og er ástfanginn upp fyrir haus. Kærastan heitir Evem Medeiros og er 1,52 sentimetrar á hæð. „Ég held að þetta hafi verið ást við fyrstu sýn,“ sagði Silva.
Skötuhjúin segja fólk vera afar forvitið um ástarlíf þeirra. „Margt fólk talar um skóstærð mína og spyr mig út í hversu stór „félagi“ minn er. Ástarlíf okkar er eðlilegt. Við aðlögum okkur,“ útskýrði Silva.