Eftirhermur Vilhjálms og Katrínar eru meðal þeirra sem látið hafa sjá sig við sjúkrahús heilagrar Maríu þar sem gert er ráð fyrir að nýjasta viðbótin við bresku konungsfjölskylduna muni láta sjá sig á næstu dögum.
Fjöldi unnenda konungsfjölskyldunnar situr um sjúkrahúsið og fjölgar þeim á hverjum degi. Viðmælendur AFP virðast ekki víla það fyrir sér að þurfa að bíða í nokkra daga eða jafnvel í viku eftir hinu konunglega kornabarni.