Bræðurnir Charlie og Harry, sem margir kannast við úr myndbandinu Charlie bit my finger, eru orðnir stórir. Foreldrar bræðranna settu myndbandið vinsæla á YouTube árið 2007 en síðan þá hefur það fengið yfir 800 milljón áhorf.
Í myndbandinu má sjá þegar Harry stingur fingrinum upp í munn yngri bróður síns sem bítur hann svo. „Það kemur mér til að hlæja,“ sagði Harry, sem nú er orðinn 11 ára, um myndbandið í viðtali við BBC.
„Nei. Mér finnst smá skrýtið að allt þetta fólk hafi horft á það,“ sagði Charlie aðspurður hvort hann skammist sín þegar hann sér myndbandið.