Bruce Jenner, faðir Jenner systranna og stjúpfaðir Kardashian systranna, var gestur Diane Sawyer á ABC sjónvarpsstöðinni í gærkvöldi. Jenner, sem er 65 ára, hefur undanfarna mánuði verið í kynleiðréttingu. Hún hefur hingað til ekki rætt þessi mál opinberlega og alls ekki við fjölmiðla. Í gærkvöldi rauf Jenner þögnina og talaði í fyrsta skipti opinberlega um kynleiðréttinguna.
Í viðtalinu sagði Jenner að hún væri bara hún og vildi alls ekki meina að hún væri föst í einhvers annars líkama. „Heilinn í mér er miklu meira eins og í konu en í manni. Fyrir þá sem vilja vita það þá er ég kona,“ sagði Jenner í viðtalinu.
Jenner sagði að fólk horfði öðrum augum á sig en áður en fyrst og fremst væri hún kona, ekki einhver ægilegur karl.
Bruce Jenner hefur verið virkur þátttakandi í raunveruleikaþætti Kardashian systranna, Keeping Up With the Kardashians. „Við ætlum að breyta heiminum,“ sagði hún í viðtalinu við Sawyer.