Barack Obama, forseti Bandaríkjanna, brá á leik að vanda á árlegum fjölmiðlakvöldverði Hvíta hússins í gær. Ræða forsetans var líklega sú besta hingað til en það er ekki að öllu leiti honum að þakka því grínistinn Keegan-Michael Key var honum til halds og trausts sem reiðitúlkur hans.
Þeir sem ekki þekkja reiðitúlkinn ættu að kynna sér gamanþættina Key & Peele. Reiðitúlkurinn er ein vinsælasta persóna þeirra félaga en hann tjáir það sem kraumar undir yfirveguðu útliti Obama.
Það er óþarfi að spilla fjörinu með því að endurtaka brandarana í þessari frétt enda er hægt að njóta þeirra í myndskeiðinu hér að neðan.