Hefur ekki farið á stefnumót í fjögur ár

Leikarinn Colin Farrell hefur verið kenndur við konur á borð við Angelinu Jolie, Britney Spears og Lindsay Lohan í gegnum tíðina en Farrell hefur víst verið rólegur í kvennamálum undanfarið því hann hefur ekki farið á stefnumót í fjögur ár.

Farrell, sem á tvo syni á aldrinum 5 til 11 ára, segir vinnuna og fjölskylduna eiga hug sinn allan þessa stundina „Ég hef verið góður strákur. Það er engin [kona í lífi mínu]. Ég hef ekki farið á stefnumót í fjögur ár. Það er bara ekkert að gerast,“ útskýrði Farrell í viðtali við tímaritið Style. „Þetta er kannski ekki það sem fólk bjóst við að heyra, en þetta er sannleikurinn.“

Farrell lifið eitt sinn villtum lífstíl en eftir að hann eignaðist börn róaðist hann. „Þegar maður á börn þá snúast hlutirnir ekki bara um sjálfan þig lengur. Þetta snýst um einhverja stærri veröld og að hjálpa börnunum að finna sig í henni.“

• Blogga um frétt