Selur húsið fyrir tvo milljarða

Leikarinn Patrick Dempsey og fyrrverandi eiginkona hans, Jillian Fink, hafa sett hús sitt á sölu. Ásett verð er rétt tæpir 2 milljarðar króna.

Fink sótti um skilnað frá Dempsey í janúar eftir 15 ára hjónaband og núna virðist vera komið að eignaskiptum.

Fink og Dempsey keyptu húsið, sem er í Kaliforníu, árið 2009 fyrir 920 milljónir króna. Þessu var greint frá í New York Daily News. Húsið er glæsilegt og því fylgir stór lóð, sundlaug og gerði fyrir húsdýr.

Samkvæmt heimasíðu Variety hefur Dempsey nú þegar keypt sér nýtt heimili í Kaliforníu. Það hús stendur við ströndina og er á þremur hæðum. Dempsey mun hafa greitt 250 milljónir króna fyrir það.

• Blogga um frétt