Ofurhetjumyndin Avengers: Age of Ultron var frumsýnd í Bandaríkjunum um helgina með miklum látum. Myndin halaði inn meiri peninga á frumsýningarhelgi en nokkur önnur mynd í Bandaríkjunum hefur gert, ef frá er talin fyrri myndin, The Avengers, sem frumsýnd var árið 2012.
Myndin halaði inn 187,7 milljónir bandaríkjadala um helgina, eða um 25 milljarða króna.
The Avengers, fyrri myndin, gerði enn betur og komu 207 milljónir bandaríkjadala í kassann helgina sem hún var frumsýnd.