Skíðakonan Lindsey Vonn og kylfingurinn Tiger Woods eru hætt saman. Vonn tilkynnti sambandsslitin á Facebook-síðu sinni. Hún sagði að þau væru bæði mjög upptekin í sínu lífi og að það hefði orðið til þess þau hefðu ekki getað eytt miklum tíma saman. Hún sagði að Woods og fjölskylda hans „myndi alltaf eiga sérstakan stað í hjarta“ sínu.
Vonn og Tiger sögðu opinberlega frá sambandi sínu á samfélagsmiðlum í mars árið 2013.
Woods hefur enn ekki tjáð sig um sambandsslitin, segir í frétt AP-fréttastofunnar.
Woods fór til Ítalíu í janúar og varð þar vitni að því er Vonn sló heimsmet. Hún hefur einnig oft horft á hann keppa á golfmótum.