Josie Harris, barnsmóðir Floyd Mayweather, hefur langt fram kæru á hendur hnefaleikakappans fyrir meiðyrði. Harris segir Mayweather hafa logið upp á sig í viðtali sem hann fór í ekki alls fyrir löngu og fer fram á 2,6 milljarða króna skaðabætur.
Áætlað er að Mayweather hafi fengið 23,6 milljarða þegar hann sigraði bardagann við Manny Pacquiao á laugardaginn og Harris vill fá eitthvað fyrir sinn snúð.
Mayweather réðst árið 2010 Harris. Tvö börn þeirra urðu vitni að árásinni. Mayweather játaði sekt í málinu að hluta til en ákæruliðirnir voru nokkrir. Mayweather var dæmdur í þriggja mánaða fangelsi og árið 2012 hóf hann afplánun fangelsisdóms. Hnefaleikakappinn ræddi um málið við Katie Couric í seinasta mánuði. Í viðtalinu greindi hann frá því að Harris hafi verið undir áhrifum eiturlyfja þegar árásin átti sér stað og að hann hafi þurft að „halda aftur af henni.“
Harris segir Mayweather ljúga og hún vill fá tæpa þrjá milljarða frá barnsföður sínum fyrir svívirðileg ummæli í hennar garð.