Söngvari bresku hljómsveitarinnar Hot Chocolate, Errol Brown, er látinn 71 árs að aldri. Umboðsmaður Brown greindi frá þessu í dag.
Brown lést á heimili sínu á Bahama-eyjum, en hann glímdi við krabbamein í lifur.
Hot Chocolate naut töluverðra vinsælda á áttunda og níunda áratugnum og náði lögum á vinsældarlista í um 50 löndum. Þar á meðal stórsmellurinn „You Sexy Thing“, sem Brown tók þátt í að semja. „It Started with a Kiss“ og „Every 1's a Winner“ eru á meðal annarra laga hljómsveitarinnar sem slógu í gegn.
Árið 2003 hlaut Brown MBE-orðu frá Elísabetu Bretadrottningu og ári seinna hlaut hann Ivor Novello-verðlaun fyrir framlag sitt il breskrar tónlistar.
<iframe allowfullscreen="" frameborder="0" height="315" src="https://www.youtube.com/embed/JIN36NweL6I" width="420"></iframe><div id="embedded-remove"> </div>