Fyrirsætan Marisa Miller fækkaði nýverið fötum fyrir auglýsingu frá dýraverndunarsamtökunum PETA. Hin 36 ára Miller á von á barni númer tvö og er komin átta mánuði á leið.
Í auglýsingunni má sjá Miller liggja alsnakta í baðkari. Við myndina af Miller stendur: „SeaWorld: Hefur aðskilið börn og mæður frá árinu 1970.“ Auglýsingin á að vekja athygli á meðferð dýranna í skemmtigarðinum Seaworld.
Miller greindi frá því í viðtali sem PETA gaf út að kvikmyndin Blackfish hafi veitt henni innblástur til að taka þátt í herferðinni. Myndin fjallar meðal annars um meðferð mannfólks á háhyrningum. Seaworld hefur stórtapað eftir að myndin kom út.