Leikkonan Suki Waterhouse og leikarinn Bradley Cooper hættu saman í mars en Cooper var fljótur að jafna sig og nældi sér í nýja skvísu á mettíma. Nýja kærastan er engin önnur en rússneska ofurfyrirsætan Irina Shayk. Waterhouse er sögð miður sín yfir því hversu fljótur Cooper var að jafna sig.
Hin 23 ára Waterhouse er sögð vera steinhissa á Cooper en þau voru saman í tvö ár. Waterhouse skammast sín þegar hún les fréttir af fyrrverandi kærastanum sem hefur ítrekað sést á stefnumótum með rússnesku fyrirsætunni síðan í mars. Innst inni vonaði hún að þau myndu byrja aftur saman samkvæmt heimildum Star Magazine.
„Hann elskar fyrirsætur og þær elska hann. Hann nær ótrúlega vel til Irinu. Hann hefur aldrei laðast jafn mikið að einni konu,“ sagði heimildamaður Life&Style.