Horft hefur verið á tónlistarmyndbandið við framlag Íslands í Söngvakeppni evrópskra sjónvarpsstöðva, „Unbroken“ í flutningu Maríu Ólafsdóttur, yfir milljón sinnum á opinberum YouTube rás söngvakeppninnar.

Íslenska lagið er í 20. sæti yfir þau lög sem oftast hafa verið spiluð á YouTube í gegnum umrædda rás af þeim 40 lögum sem taka þátt í keppninni.

Fjögur lög sem fallin eru úr keppni eru ofar en „Unbroken“ á listanum en það eru framlög Moldóvíu, Makedóníu, Hvíta Rússlands og Finnlands en það síðastnefnda, í 8. sæti yfir mest spiluðu lögin. 

Aðeins fjögur lög af þeim 16 sem keppa ásamt Íslandi um hylli Evrópu í seinni undankeppninni annað kvöld eru ofar en „Unbroken“ á listanum yfir mest spiluðu YouTube lögin. Þar fer framlag Aserbaídsjan fremst í flokki í þriðja sæti með yfir fimm milljónir spilana og næst kemur framlag Ísraels, í sjötta sæti með tæpar þrjár milljónir spilana. Svíþjóð, sem annars hefur verið spáð góðu gengi, vermir 15. sætið með tæpa eina og hálfa milljón spilana og Pólland fylgi í humátt á eftir í 16. sæti með svipaða tölu. 

Séu eitthvað að marka YouTube áhorf verða Rússland, Aserbaídsjan, Albanía og Rúmenía í 2. til 5. sæti keppninnar en sigurvegarinn verður hinsvegar Ítalía. Óperustrákasveitin Óperustrákasveitin Il Volo skítur öllum öðrum keppendum ref fyrir rass með laginu „Grande Amore“ en lag þeirra hefur verið spilað yfir 25 milljón sinnum en til samanburðar er Rússland, sem vermir annað sætið, aðeins með fimm milljón spilanir.

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Blendnar tilfinningar gagnvart Únbrókeni Máríu