„Hvað er aftur númerið heima?“ heyrðist Felix Bergsson kalla til einhvers í því sem númerin fyrir hvert og eitt land byrjaði að rúlla yfir skjáinn. Kannski kynnir okkar Íslendinga ætli að nýta tækifærið og kjósa Maríu Ólafsdóttur og framlag okkar Íslendinga?
Kosningarnar um hvaða lög komast upp úr undankeppninni eru hafnar. Fyrir þá Íslendinga sem eru staddir erlendis og vilja styðja Íslenska hópinn er númerið 900-9912 en sem fyrr getum við sem heima sitjum ekki kosið okkar eigið lag.
Bæði er hægt að hringja og senda SMS til að kjósa. Öll númerin byrja á 900-99 en síðasta talan á við um hvar lagið var í röðinni í kvöld.