María Ólafsdóttir er ekki sátt með að hafa ekki farið í úrslitin í Eurovision. Hún segir stress auðvitað hafa haft sitt að segja, en hún gengur sátt frá keppninni. Þetta segir hún í viðtali við Vodafone IS

<iframe allowfullscreen="" frameborder="0" height="315" src="https://www.youtube.com/embed/FMYI8uOef_I" width="560"></iframe><div id="embedded-remove"> </div>

Næstu daga ætlar íslenski Eurovisionhópurinn að skoða sig um í Vínarborg og taka það rólega. Hún segist halda með ástralska laginu, en bæði sænska og ísraelska lagið eru líka í uppáhaldi.

María segist mjög meðvituð um pressuna sem er á sviði - bæði eru mikil læti í áhorfendum og margar milljónir að horfa. Hún myndi taka þátt í keppninni aftur ef hún fengi tækifæri til þess og sér alls ekki eftir að hafa tekið þátt.

Hún segir að hópurinn sem vann með henni í keppninni hafi verið fullur af fagmönnum og kynnst mörgum nýjum og góðum vinum. Næstu skref hjá henni eru að leika Ronju Ræningjadóttur og semja meiri tónlist.

„Takk kærlega fyrir stuðninginn og það er alltaf næsta ár,“ segir María í lokin og hlær.