Breski tónlistarmaðurinn Paul McCartney festi nýverið kaup á glæsilegri þakíbúð í New York. Íbúðin, sem er við Fifth Avenue á Manhattan, kostaði McCartney rúma tvo milljarða króna.
McCartney segir íbúðina innréttaða í stíl sjöunda áratugar seinustu aldar og þannig ætli hann og eiginkona hans, Nancy Shevell, að halda íbúðinni.
Íbúðin mun vera á tveimur hæðum og með útsýni yfir Central Park-almenningsgarðinn samkvæmt frétt New York Post.