Össur Skarphéðinsson, þingmaður Samfylkingarinnar, segir á Fésbókarsíðu sinni í kvöld að Alþingi gæti margt af Júróvisjón lært til að komast inn í nútímann.

Hann segir að til dæmis mætti fríska upp á ræður margra þingmanna með því að taka upp alls konar „effekta“ eins og er notað með prýðilegum árangri í keppninni.

„Þannig væri mjög til bóta fyrir menn einsog mig sem stundum kem mæddur og krumpaður í ræðustólinn að geta bara ýtt á goluhnappinn og fengið frísklegt „wind-swept“ lúkk einsog gríska sönggyðjan í kvöld. Hún reyndar gat varla sungið fyrir rokinu. Í einu atriðinu dundi hagl á sviðinu. Forseti Alþingis ætti að skoða það vel,“ segir Össur á léttu nótunum.

„Er þar ekki komin leið til að kæla þingið niður? Mér er þó til efs að það dugi til að ná stjórn á þingmönnum einsog Jóni Gunnarssyni og Páli J. Pálssyni. Líklega þyrfti ískalt steypibað til þess.“

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt