Franski leikstjórinn Jacques Audiard vann í kvöld hinn sögufræga Gullpálma fyrir mynd sína Dheepan. Audiard er 63 ára og hefur áður lent í öðru sæti í keppninni fyrir kvikmyndina A Prophet.
Mynd Audiards fjallar um fyrrverandi hermann úr borgarastríðinu í Srí Lanka sem reynir að setjast að í Frakklandi með fjölskyldu sinni. Í ræðu sinni við afhendinguna nefndi Audiard sérstaklega föður sinn, Michel Audiard, sem vann einnig við kvikmyndagerð í mörg ár.
Sigur Audiards kom mörgum á óvart og fáir höfðu spáð því að Audiard yrði hlutskarpastur.
Einnig eru veitt sérstök Grand Prix-verðlaun sem oft eru nefnd silfurverðlaunin í Cannes. Þau fékk Lázló Nemes fyrir kvikmyndina Son of Saul. Sú mynd fjallar um stríðsfanga í síðari heimsstyrjöldinni sem neyðist til að starfa sem fangavörður í Auschwitz.
Flestir höfðu spáð kvikmyndinni The Lobster sigrinum en hún hlaut dómnefndarverðlaunin (Prix du Jury), sem kölluð eru þriðju verðlaun. Hún er satíra eftir Yorgos Lanthimos.
Listi yfir sigurvegara:
Gullpálminn: Dheepan eftir Jacques Audiard
Dómnefndarverðlaunin (Prix du Jury): The Lobster eftir Yorgos Lanthimos
Besti leikstjórinn: Hou Hsiao-Hsien fyrir myndina The Assassin
Besta handrit: Chronic eftir Michel Franco
Gullmyndavélin (Camera d'Or): La Tierra y la Sombra eftir Cesar Augusto Acevedo
Besti leikari: Vincent Lindon í The Measure of a Ma
Besta leikkonan: Roony Mara í myndinni Carol og Emmanuelle Bercot í myndinni Mon Roi
Besta stuttmynd: Waves 98 eftir Ely Dagher
Sjá frétt The Guardian