Stjórnmálamaðurinn Silvio Berlusconi er nýjasta viðbótin við flóru frægs fólks á samfélagsmiðlinum Instagram. Af myndum hans að dæma má meðal annars sjá hvernig hann fylgdist grannt með löndum sínum lenda í þriðja sæti í Eurovision, með gott rauðvín við hönd. Berlusconi er sjálfur söngelskur og hefur oft brostið út í söng í ræðustól.
Berlusconi hefur kannski lært af núverandi forsætisráðherra Ítalíu, Matteo Renzi, sem er afar duglegur, reyndar á öðrum samskiptamiðli, Twitter. Kannski sér hann Instagram fyrir sér sem leið til þess að nálgast yngri kjósendur betur.
Hinn 78 ára gamli Berlusconi situr nú á þingi fyrir flokk sinn, Forza Italia. Flokkurinn mælist nú með um 12% fylgi sem er mun lægra en við síðustu kosningar þegar hann hlaut 22%. Demókrataflokkur Renzis mælist með þrefalt fylgi Forza Italia, eða um 36%.
Sjá frétt The Guardian