Måns Zelmerlöw, sem heillaði Evrópu með söng sínum í Eurovision og sá til þess að Svíar halda keppnina á næsta ári, fékk morðhótanir á Instagram-síðu rétt fyrir sigurinn. Fór svo að hann eyddi myndinni.

Á myndinni sem birtist stuttu fyrir úrslitakvöldið lá hann á sófanum og var með lappirnar ofan á albanska fánanum. Fór það mjög fyrir brjóstið á Albönum og athugasemdirnar hrönnuðust inn. Undir myndina hafði Zelmerlöw skrifað: „Kominn aftur í höllina og er að slappa af. Er að reyna að láta hina 26 keppendurna ekki trufla mig en þeir eru allir að hita upp röddina.“

Margar athugasemdir birtust við myndina þar sem honum var hótað hnefahöggum eða þaðan af verra. Einhverjir hótuðu að myrða hann. „Það skiptir engu máli hvort þetta var viljandi gert eða ekki. Það er virðingarleysi að vera með lappirnar ofan á albanska fánanum. Margir hafa fórnað lífi sínu fyrir þennan fána. Fjarlægðu myndina og biddu okkur afsökunar,“ skrifar einn.

Lögreglan í Svíþjóð er að sögn sænska dagblaðsins Expressen að rannsaka hótanirnar. Í dag verður tekið á móti Zelmerlöw í heimaborg hans, Lundi. Að sögn borgarstjórans verða gerðar öryggisráðstafanir vegna hótananna.

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• Blogga um frétt