Hjartaknúsarinn Patrick Dempsey kom mörgum á óvart í seinasta mánuði þegar hann tilkynnti að hann myndi ekki leika áfram í læknaþáttunum Grey's Anatomy eftir 11 þáttaraðir.
Aðdáendur Dempseys spáðu því margir að hann myndi nú gefa leiklistina upp á bátinn og einbeita sér alfarið að kappakstri þar sem hann hefur undanfarið náð góðum árangri í þeirri grein. Dempsey fullyrðir þó að hann ætli að halda áfram að taka að sér hlutverk í þáttum og kvikmyndum.
Frá þessu greindi hann þar sem hann var staddur á Indianapolis 500-kappakstrinum á sunnudaginn í viðtali við tímaritið People. Hann sagðist vissulega elska kappaksturinn en leiklistin væri sér einnig mikilvæg.