Maður að nafni Joshua Edwards týndi Rottweiler-hundinum sínum, Duke, fyrir átta árum en þá var Duke ársgamall. Edwards var löngu búinn að gefa upp alla von um að hitta hundinn aftur þegar hann fékk símtal fyrir nokkrum dögum þar sem honum var tilkynnt að Duke væri fundinn.
Duke fannst á ráfi um götur Miami og dýralæknum tókst að hafa uppi á Edwards þar sem hundurinn var örmerktur.
Á meðfylgjandi myndbandi má sjá hversu ánægðir þeir Edwards og Duke voru þegar þeir voru sameinaðir á nýjan leik.