Í viðtali við The Hollywood Reporter segir Lena Dunham frá reynslu sinni af því að klæðast „píkupjötlu“ eða „the nude patch“ en það er húðlitað stykki sem stundum er límt yfir kynfæri leikkvenna þegar nektarsenur eru teknar upp. „Þú límir hana yfir leggöngin á þér,“ útskýrir Dunham. „Hún verður sveitt og dettur alltaf af.“
Í stað þess að þjást af sveittri píkupjötlu sem sífellt þarf að skipta um sleppir Dunham að skýla á sér kynfærunum á meðan á tökum á þáttunum Girls stendur. „Ég hætti að nota píkupjötluna eftir fyrstu þáttaröðina af Girls. Það er ekki einn karlmaður sem vinnur við þennan þátt sem hefur ekki séð inn í leggöngin á mér,“ segir Dunham.