Rapparinn A$AP Rocky lætur söngkonuna Ritu Ora heyra það í sínu nýjasta lagi, Better Things, sem kom út í fyrradag. Ekki er vitað af hverju rapparanum er svona illa við Ora en í laginu kallar hann hana „tík“ nokkrum sinnum og segir hana vera kjaftfora.
Aðdáendur A$AP Rocky og Ora eru margir hverjir hissa á nýja laginu og velta vöngum á samfélagsmiðlum yfir því hvað gæti hafa orðið til þess að rapparinn samdi textann. Hvorki Ora né A$AP Rocky hafa tjáð sig opinberlega um textann.
Lagið Better Things kom út óvænt á þriðjudaginn. Í meðfylgjandi myndbandi má heyra texta A$AP Rocky sem vakið hefur mikla athygli.