Samkvæmt fjölmiðlum vestanhafs eru þau Ben Affleck og Jennifer Garner að skilja eftir 10 ára hjónaband. Þessu var greint frá í bæði OK! Magazine og í National Enquirer fyrr í vikunni.
Affleck og Garner gengu í hjónaband árið 2005 og eiga saman þrjú börn á aldrinum níu til þriggja ára. Fregnir herma að það hafi verið Garner sem sótti um skilnað frá Affleck eftir áralanga óánægju í hjónabandinu.
Talsmenn Affleck og Garner hafa enn ekki gefið frá sér tilkynningu um málið.
Affleck og Garner kynntust árið 2001 við gerð kvikmyndarinnar Pearl Harbor. Tveimur árum síðar léku þau saman í myndinni Daredevil og eftir það urðu þau par. Í apríl árið 2005 trúlofuðu þau sig svo og giftu sig tveimur mánuðum seinna.