Söngvarinn Ed Sheeran afhjúpaði vaxmyndastyttu af sjálfum sér í gær á Madame Tussauds-safninu í New York. Sheeran er ánægður með listaverkið og þá sérstaklega bunguna í klofi styttunnar.
Söngvarinn gaf sér tíma til að hæla styttunni á Twitter. „Ég hitti vaxmyndina mína á Madame Tussaud, hann sagði ekki mikið en hann er með bungu þannig að þetta er gott.“
Sheeran klæddist nýverið nýþröngum búning og var mældur á alla kanta af listamönnunum sem bera ábyrgð á styttunni. Ummálin voru svo notuð til að búa til hina fullkomnu styttu og því má gera ráð fyrir að „bungan“ hans sé í samræmi við bunguna á styttunni.