„Of hávaxin fyrir mig“

Söngvarinn Ed Sheeran var nýlega í viðtali þar sem hann var spurður út í vináttu sína við söngkonuna Taylor Swift. Hafa þau lengi verið góðir vinir og margir velt því fyrir sér hvers vegna vináttan hafi ekki þroskast yfir í að verða eitthvað aðeins meira. 

„Ég kynntist henni fyrst vegna tónlistarinnar og við höfum verið góðir vinir síðan þá,“ segir Sheeran við útvarpsmanninn sem reyndi síðan að veiða aðeins meira krassandi ummæli upp úr honum. „Hún er of hávaxin fyrir mig. Mér líður eins og hobbiti við hliðina á henni. Hún er eins og Galadriel og ég er með hár á löppunum,“ segir Sheeran þá léttur í bragði. 

• Blogga um frétt