Miley Cyrus og Patrick Schwarzenegger hættu saman fyrir um mánuði síðan þegar sá orðrómur komst á kreik að Schwarzenegger hafi haldið framhjá söngkonunni. Síðan sambandið fór í vaskinn hafa þau forðast hvort annað eins og heitan eldinn en á föstudaginn rákust þau óvart á hvort annað.
Þegar Cyrus og Schwarzenegger mættu í sama afmælisboðið á föstudaginn fóru þau bæði í kleinu samkvæmt sjónarvottum. Það var athafnamaðurinn Merkus Molanari sem átti afmæli þetta kvöld og hvorki nér Cyrus né Schwarzenegger létu sig vanta. Þau hundsuðu hvort annað og stemmningin var afar vandræðaleg að sögn heimildamanns Us Weekly.
Cyrus hékk svo með söngkonunni Katy Perry það sem eftir lifið kvölds á meðan Schwarzenegger vingaðist við nýtt fólk.