Þann 18. júní næstkomandi mun fólk eflaust streyma út í bókabúðir en þann dag kemur nýja bók E.L. James út. James sló í gegn með þríleiknum Fifty Shades of Grey og er hún nú að skrifa sömu sögu, út frá sjónarhóli persónu Christian Grey.
Fyrstu þrjár bækurnar komu út á árunum 2011-2012 og fjalla um Anastasiu Steele sem á í BDSM-sambandi við hinn efnaða Christian Grey. Fyrsta bókin hefur verið gerð að kvikmynd og eru myndir númer tvö og þrjú í burðarliðnum.
„Ég vona að ykkur muni líka bókin,“ skrifar höfundurinn E.L. James á Instagram-síðu sína þar sem hún upplýsir um að nýja bókin mun heita Grey - Fifty Shades of Grey As Told By Christian.
„Christian er flókin persóna og lesendur hafa heillast af hans girnd og metnaði auk hans dularfullu fortíð. Eins og allir vita sem hafa verið í sambandi eru síðan alltaf tvær hliðar á öllum málum,“ skrifar James á heimasíðu sinni um nýju bókina.